Nhar il-Ġimgħa, 25 ta’ Novembru, huwa l-Jum Internazzjonali għall-Eliminazzjoni tal-Vjolenza fuq in-Nisa.
Dan se jkun ftit jiem biss wara li mara oħra sfat maqtula brutalment, allegatament mill-ex sieħeb tagħha, qrib il-post fejn kienet taħdem.
Nhar il-Ġimgħa se niltaqgħu quddiem il-Kwartieri Ġenerali tal-Pulizija, il-Furjana, nimxu lejn il-Funtana tat-Tritoni, nidħlu Triq ir-Repubblika u nispiċċaw quddiem il-Qorti.
Se niltaqgħu propju quddiem il-Kwartieri Ġenerali tal-Pulizija għax hemm kienet Bernice Cassar ġimagħtejn ilu, biex tagħmel rapport ieħor lill-pulizija wara li l-ex raġel tagħha kien heddidha għal darb’oħra. Fil-fatt nhar it-Tnejn li għadda hija reġgħet għamlet rapport ieħor dwar it-theddid mill-aggressur tagħha.
L-għada, Bernice ġiet maqtula viċin il-post tax-xogħol tagħha u l-ex raġel tagħha huwa l-uniku suspettat fil-każ.
Bernice Cassar inqatlet wara li għamlet diversi rapporti biex il-pulizija jipproteġuha. Każ fil-qorti kontra l-ex raġel tagħha wara li għamlilha sikkina ma għonqha kien mistenni jibda sena oħra minħabba n-numru ta’ każijiet li hemm il-qorti u d-dewmien żejjed li jkun hemm.
Nhar il-Ġimgħa se niltaqgħu biex nesiġu li l-awtoritajiet jieħdu r-responsabbiltà għal dan il-falliment totali.
Kwalunkwe dewmien fil-proċeduri tal-qorti joqtol lin-nisa. Wasal iż-żmien li jittieħdu l-passi meħtieġa biex il-vjolenza domestika tiġi indirizzata bis-serjetà u bla dewmien.
Ingħaqdu magħna quddiem il-Kwartieri tal-Pulizija fil-Furjana biex nitolbu li l-vjolenza kontra n-nisa tinqered darba għal dejjem.
******
This Friday, 25th November, is International Day for the Elimination of Violence Against Women.
It takes place just days after another woman was brutally murdered, allegedly by her former partner, outside her workplace.
This Friday, we are meeting outside the Police Headquarters in Floriana, walk towards Triton Fountain, then through Republic Street and finish in front of the Law Courts.
We’re meeting outside the Police Headquarters in Floriana, since Bernice Cassar was just here, two weeks ago, filing another police report after her former husband threatened her for the umpteenth time. She also filed a report about her aggressor’s threats last Monday.
The next day, Bernice was shot outside her workplace and her former husband is the only suspect in the case.
Bernice Cassar was shot after filing multiple reports for police protection. A court case regarding her estranged husband holding a knife to her throat was scheduled to start a year from now, because of large court workloads and court delays.
This Friday, we are meeting to ask the authorities to take responsibility for this gross failure.
Every delay in court procedure kills women. It’s time to ensure that domestic violence is acted upon properly and swiftly.
Join us outside the Police HQ in Floriana to ask for violence against women to be eliminated once and for all.