Laqgħa mir-residenti tax-Xgħajra dwar ir-reklamazzjoni tal-art

Dalgħodu ġiet organizzata laqgħa bejn ir-residenti tax-Xgħajra u tal-irħula viċin ix-Xgħajra, fejn ġew diskussi l-passi li għandhom jittieħdu bħala komunita’ biex jinħareġ appell iktar b’saħħtu kontra l-proposta tar-Reklamazzjoni tal-Art li tikkonċerna l-kosta tal-Kalkara-Xgħajra-Żabbar (San Anart) u Marsaskala.

Membri tal-Moviment Graffitti attendew din il-laqgħa u rrapurtaw li l-attendenza kienet waħda mimlija u pożittiva ħafna.

Din il-proposta ta’ Reklamazzjoni tal-Art ħa jkollha impatti enormi, mhux biss fuq il-kosta u l-ħafna speċi li ħa jiġu affetwati, imma wkoll ħa żżid it-traffiku fiż-żona. L-għar impatt hu li dan kollu ħa jaffetwa l-għixien tal-eluf ta’ nies li jgħixu madwar iż-żona – żona li wkoll sservi ta’ rikreazzjoni u kwiet għal eluf ta’ nies fil-madwar

Bħala Moviment Graffitti aħna ħa nkunu qiegħdin nissaportjaw bis-sħiħ din l-inizjattiva, u nħeġġukom li tingħaqdu mal-Facebook Group li qiegħed jieħu ħsieb, biex anka tkunu tafu x’inhuma l-iżviluppi, u tgħinu fejn tistgħu: https://www.facebook.com/groups/513888228658732/