Nilqgħu b’sodisfazzjon kbir id-deċiżjoni tal-Ministru Konrad Mizzi li jirtira l-avviż għat-trasferiment tal-art lill-Grupp Corinthia. Filwaqt li nifhmu li din mhijiex rebħa finali, għaliex in-negozjati mal-Corinthia se jerġgħu jibdew mill-bidu, din xorta tibqa’ rebħa importanti għal moviment magħmul minn għaqdiet, Kunsilli Lokali u residenti li mexxa l-oppożizzjoni għal dan il-kuntratt oxxen.

Aħna se nibqgħu niġġieldu sabiex l-art pubblika ma tinsteraqx mill-privat u sabiex jiġu mħarsa l-ambjent u l-kwalità tal-ħajja tagħna. Il-qtugħ ta’ qalb u d-disfattiżmu qatt ma wassal imkien; magħqudin, aħna għandna s-saħħa niġġieldu lil dawk li jridu jbiddlu lil Malta fl-intrapriża personali tagħhom.