Moviment Graffitti logo

Latest News

[WATCH] Intervista mix-Xgħajra dwar ir-reklamazzjoni tal-art

Intervista mix-Xgħajra dwar ir-reklamazzjoni tal-art

Attivist tal-Moviment Graffitti ġie ntervistat fuq TVAM mix-Xgħajra dwar ir-reklamazzjoni tal-art.

“L-ewwel ħaġa rridu nifhmu eżatt xi tfisser ir-reklamazzjoni tal-art. Hawnhekk qegħdin ix-Xgħajra, qegħdin naraw il-blat, il-baħar. Dan huwa post li potenzjalment, bir-reklamazzjoni tal-art, jista’ jinqered darb’ għal dejjem. Ir-reklamazzjoni tal-art xi tfisser? Tfisser li inti tordom parti minn qiegħ il-baħar, parti kbira minn qiegħ il-baħar, fejn inti timlih bit-terrapien. U inti mhux tkun qridt biss dik il-biċċa, imma taffettwa l-ekosistema kollha. In-natura hija katina t’affarijiet marbutin ma’ xulxin, li kif missejt parti waħda, affetwajt lill-partijiet kollha tagħha. Uħud min-nies, mill-gruppi, li opponew ir-reklamazzjoni tal-art kienu s-sajjieda. Is-sajjieda qegħdin f’pożizzjoni tajba ħafna biex ifehmuna x’inhuma l-konsegwenzi tar-reklamazzjoni tal-art. Ġabu eżempju tajjeb ħafna naħseb. Qalu: immaġina li aħna naqbdu wied u nordmuh – kulħadd ikun kontriha, kulħadd jgħid li hija ġennata. Il-baħar huwa l-istess ħaġa. Hemm speċi ta’ widien taħt il-baħar. Hemm il-flora u l-fawna. Kif inti ordomt, kif inti qridtu, dak sa jaffettwa mhux dik ir-roqgħa biss, imma se jaffettwa l-ħlejjaq kollha fuq l-art u l-baħar.

It-tieni punt huwa l-kwalità tal-ħajja tagħna. Il-kosta u l-baħar huma parti essenzjali minn ħajjitna, speċjalment għal gżira żgħira bħal Malta. Hawnhekk irridu nifhmu x’ħa jsir, għax ir-reklamazzjoni tal-art ma tiqafx hemm. Din se tiswa ħafna ħafna flus, li biex tkun possibli jrid ikun hemm xi proġett kummerċjali intensiv fuqha. Li tfisser, iktar traffiku u tniggiż, u partijiet tal-kosta li jinqerdu darb’ għal dejjem. Il-kosta hija importanti għar-rikreazzjoni tagħna, fejn nistgħu mmorru nieħdu nifs; hija importanti għall-ekonomija tagħna, għat-turiżmu.

Malta ma naffordjawx inħarbtu l-ambjent tagħna b’dan il-mod. Dan verament se jaffettwa l-futur tagħna fuq din il-gżira.”

ARA l-intevista sħiħa fil-vidjo.

Latest from our blog

Several organisations have presented a list of proposed changes to a Bill which seeks to remove the minimal existing safeguards...

Moviment Graffitti is supporting residents as they oppose yet another mega development in the small town of Xemxija. A 13-storey...

Earlier today, women, non-binary, trans people and allies marched in the streets of Valletta to mark International Women’s Day. This...