Id-“deal” ta’ Trump la se jġib il-paċi u wisq anqas il-ġustizzja |  Moviment Graffitti Malta.
08/02/2020

Id-“deal” ta’ Trump la se jġib il-paċi u wisq anqas il-ġustizzja

Il-Ġimgħa u s-Sibt konna fid-daħla tal-Belt Valletta flimkien mal-komunità Palestinjana f’Malta sabiex nagħtu informazzjoni dwar is-sitwazzjoni fil-Palestina u l-hekk imsejjaħ “deal tas-seklu” ippreżentat mill-President tal-Istati Uniti Donald Trump ftit tal-ġranet ilu.


Ara l-Konferenza Stampa.


Il-Moviment Graffitti ilu għal dawn l-aħħar 25 sena juri s-solidarjetà sħiħa tiegħu mal-poplu Palestinjan. Dan il-poplu safa misruq minn artu u mkeċċi bil-forza minn daru mill-forzi Iżraeljani. Din l-inġustizzja kiefra għadha għaddejja bil-qawwa kollha tagħha sal-lum il-ġurnata. L-Iżrael dejjem qed jaħtaf aktar art, joqtol aktar Palestnijani u jagħmlilhom ħajjithom miżerabbli.


Id-deal ta’ “paċi” imħabbar minn Trump mhuwa se jagħmel xejn iktar ħlief jipprova jagħti leġittimità lill-imġiba illegali tal-istat Iżraeljan. Skont dan id-“deal”, il-Palestnijani jridu jċedu iktar territorju lill-istat Iżraeljan u jibqgħu jgħixu f’beżqa t’art taħt il-kontroll ta’ dan l-istat.


Ma jistax ikun hemm paċi jekk ma jkunx hemm ġustizzja. U d-deal ta’ Trump la se jġib il-paċi u wisq anqas il-ġustizzja.